نجوى المالحي – كود//

بعدما هرب من المغرب وغبر، رجع دوك صمد، لي كيقدم راسو كطبيب وديما تابعو بزاف ديال الجدل، ولكن هاد المرة بهرطقة فايتة الهرطات القدام ديالو، وطبعا دار بيها حتى هي البوز كالعادة.

دوك صمد علن على بيع منتجات جنسية، المنتوج اللول كيساعد الرجال لي عندهم مشكل القذف السريع، والمنتوج الثاني عبارة عن كريم جنسي لتطويل القضيب.

دوك صمد قال أن المنتوج جا نتيجة مجهود دارو، وبغا يستغل الوقت لي دوزو غابر على الناس في حاجة مهمة، عوض يبقا يشوف في السلبيات.

طبعا كاينين دراسات بالعرام كتقول ان هاد المنتوحات غير تخربيق، وانهم ماعندهم حتى نتيجة لا على تطويل القضيب لا على القذف السريع.