هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد
كود الرباط//
وزير الصحة خالد ايت الطالب، لي مخاصم مع الاطر ديال الوزارة، بالغباء ديالو فالتواصل جا الدور على أعضاء اللجنة العلمية.
الوزير هجم على بعض أعضاء اللجنة العلمية وقال فيهم كلام مسيء ليهم، حسب ما جاء في تصريحه لـ”هسبريس“.
ايت الطالب قال :”بعض التصريحات الصادرة عن أعضاء اللجنة اجتهادات ومغالطات. أما ما يأتي منها فهو بعيد عما صرح به بعض أعضاء اللجنة”.
اتهام مجاني للجنة العلمية لي شحال من مرة شكراتها الحكومة وشكراتها الداخلية. هادو متخصصين وجهابدة في العلم اختارو يخدمو الوطن بلا مقابل، كيبدلو مجهود بلا ما يتخلصو من المال العام عكس ايت الطالب.
وأوضح الوزير ايت الطالب في تصريحه لـ”هسبريس“، أن “اللجنة لا تقرر في مسألة فتح الحدود الجوية، بل تعطي توصيات”، رافضا مضي “بعض أعضاء اللجنة نحو الإبداع في تأويل المضامين وتفسيرها”.