أسماء غربي – كود//

شوهة جديدة بين العائلات بانت. من بعد عائلة الغاوي، خرج الاب ديال البطل المغربي سعيد عويطة كيعاود قصة كيفاش سلخو وجرا عليه من الدار بلا ريال بلا جوج.

الأب لي خدام عساس ديال الماطر قال أن ولدو ضربو وقطع هضرتو معاه هادي 21 عام ومن تما نكرو ومبقاش كيسول فيه ومشا لميريكان.

الفيديو ديال اب عويطة شافوه نص مليون واحد من البارح لليوم.

والا كان هادشي بصح، وماكينش تفسير او فيرسيون اخرى، حيت لحد الساعة سمعنا غير من الاب، ماسمعناش سعيد عويطة، فهي شوهة للبطل لي ساكن في ميريكان هو وبناتو ومراتو وكيعيشو عيشة مزيانة.