وكالات //

السيمانة الفايتة، عاش برازيلي قصة بحال ديال الأبطال الخياليين فالأفلام، بعدما وقفو عليه الشفارة باش يكَريسيوه وتيراو فيه بالقرطاس.

الزهر اللي عندو أن القرطاسة ضربات في التلفون اللي كان فـ جيب القميجة اللي لابس وقدرات تفرشخ التلفون و لكن ماوصلاتش الجسم ديالو، كيف ذكرات جريدة “Daily Mail”.

السيد وبعدما وصل الصبيطار لقا أنه بيخير وعلى خير والقرطاسة قاستو غير شوية والدقة كاملة هزها التلفون، اللي بالصدفة كان داير ليه واحد لاكوك مصور فيها البطل الخارق “Hulk”.