كود – وكالات //

سالات عملية تفتيش وكونطرول الباطو “رازوني”، اللي هاز أول فاياج من الحبوب الأوكرانية المسموح بتصديرو، حسب إعلان وزارة الدفاع التركية للصحافيين اليوم الأربعاء.

ووضحات بللي مع سالا الكونترول، اللي استمر حوالي ساعة ونص، غادي يتمكن الباطو من عبور مضيق “البوسفور” ويكمل طريقو للبنان.

وكمل فريق من المسؤولين الروس والأوكرانيين تفتيش الشحنة، بناء على اتفاق بين كييف وموسكو للحد من أزمة الغذاء العالمية.

وقال مسؤول تركي فتصريح لوكالة “رويترز” بللي عبور الفاياج اللول بنجاح، غادي يشجع على الزيادة فعدد الباطوات اللي غتبقى تخرج من موانئ أوكرانيا من واحد فاليوم إلى 3.

وبان الباطو ديال السلعة اللي عليه الضرابو ديال سيراليون، فالسواحل الشمالية ديال إسطنبول فالبحر الأسود البارح الثلاثاء من بعد نهار واحد على خروجو من مرسى “أوديسا” الأوكرانية، وهو مشارجي ب26 ألف طن من الذرة، وشاد الطريق لمدينة طرابلس فلبنان.