وزيرة المالية على تبادل المعطيات البنكية للمهاجرين المغاربة مع دول اوربية: الاتفاقية مزال ممطبقاش ومعندهاش علاقة بالعقارات ولكن متعلقة بالحسابات المالية للأشخاص غير المقيمين باش تكون المراقبة الضريبية
نجوى المالحي – كود //
كاين واحد النوع ديال البشر عندهم كيف كنقولو حنا “القالة بالجهالة”، مكيعرفوش الوسط. والبلوگوز نهيلة املقي المشهورة بلقب “نهيلة باربي” منهم.
فاقت، مالقات مايدار قالت ارا ندير الحجاب، ومسحات كاع التصاور ديالها من قبل من حسابها في انستكَرام.
نهيلة أملقي علنت على خبر الحجاب بفيديو علقات عليه بآية من القرآن: ” إِنَّكَ لَا تَهْدِى مَنْ أَحْبَبْتَ وَلَٰكِنَّ ٱللَّهَ يَهْدِى مَن يَشَآءُ ۚ وَهُوَ أَعْلَمُ بِٱلْمُهْتَدِينَ.الحمدلله اليوم فرحتي و راحتي لا توصف، أحمد الله ليلًا ونهارا على محبته وهدايته لي”.
نهيلة كانت قالباها لبس وماكياج وتصاور وبوزات على حسابها، وبزاف ديال المعلقين قالولها انها شافت داكشي ماسلاكش ومافيهش الصرف، وبغات ضبر على شي خليجي بداك الحجاب.
غادي نتسناو ونشوفو واش غادي تصبر بيه كثر من زميلتها في الحرفة، ندى حاسي “كيم كارداشيان الخميسات” لي كانت دارت الخمار ومن بعد حيداتو ورجعات تمارس نشطاتها المعتادة.