عفراء علوي محمدي- كود//
علنات مينة بوشكيوة، الحقوقية وأستاذة مادة الفلسفة المثيرة للجدل، على تضامنها المطلق مع الممثل رفيق بوبكر، بعدما تعرض لهجمة شرسة بسبب فيديو ليه، كيضحك فيه مع صحابو، وكيتكلم على جواز الصلاة خلال السكر.
وقالت بوشكيوة، فحوار ليها مع “كود” غيتنشر لاحقا، أنها ماكتتافقش مع بوبكر فالاعتذار اللي قدم، ووضحات: “ماكانش عليه يعتذر لأنه ضحية ماشي متهم، هو شخص قبل ما يكون فنان من حقو أن حتى واحد ما يخرج فيديو ليه أو تصويرو بدون الإذن ديالو، وبالتالي هو الضحية وكان خاص يتابع دوك الناس ماشي العكس”.
وزادت: “أنه يتعرض الإنسان لهذشي كيف ما كان، سواء كان فنان أو كان شخص عادي، كنشوف اعتذارو في غير محله، وكونو ما حركش متابعات ضد هذوك الناس فحتى هذا سلوك ماصحيحش، حيت لو كنت مكانو كنت غندير هذشي”.