كود اسماء غربي ///

محاكمة توفيق بوعشرين مدير نشر “اخبار اليوم” مازال مستمرة فمرحلة الاستئناف. الابتدائي حكمو عليه ب12 عام. حكم قاصح وغريب وتهم اكثر غرابة “الاتجار بالبشر”. البارح طارق رمضان الاسلامي وحفيد مؤسس “الاخوان” وبعد فترة طويلة من النكير وقال “اييه درت الجنس مع جوج من البنات اللي كيتاهموه بالاغتصاب” واضاف باللي هاد الجنس كان رضائي وبلا عنف.

اعترف باللي كذب وباللي كيدير امور ضد اللي كينظر ليه. هادي مناسبة باش توفيق بوعشرين يبدل طريقة دفاعو. راها 12 عام طويلة بزاف بزاف وحتى حد ما غادي يبدا حتى عاقل على شي حد صحافي مشدود فالحبس.

علاش ما يقولش فالمحكمة وفبيان للرأي العام باللي اييه مارس الجنس فمكتبو مع اللي كيتاهموه بالاغتضاب او او … يقول باللي هاد الجنس رضائي بلا عنف. عندو اكيد رسائل فتلفونو يثبت فيها باللي هاد الاغتصاب ما كاينش.

هادي ممكن تساعدو بزاف. مازال قدامو الوقت. يستافد من خروح طارق رمضان اللي كان تشد بعد فترة من خروج قضيتو.