الرئيسية > آش واقع > علاش بعيوي اللي فشل فالجهة كيوهم الناس باللي كيعرف وزير الداخلية لفتيت
19/07/2021 10:30 آش واقع

علاش بعيوي اللي فشل فالجهة كيوهم الناس باللي كيعرف وزير الداخلية لفتيت

علاش بعيوي اللي فشل فالجهة كيوهم الناس باللي كيعرف وزير الداخلية لفتيت

كود وجدة///

رئيس الجهة الشرقية الملياردير عبد النبي بعيوي داخل بصباطو وو للانتخابات. بدا بوحدو فالبلاد حملة قبل كلشي. فتسجيل صوتي نشرناه كيقول بلسانو ما تصوروش الفيديو حقاش هاد الشي ما عندهمش ليه ترخيص.

تصورو رئيس جهة ما دار والو لجهتو. كانت ممكن تكون قطب اقتصادي مهم بزاف٬ فشل الا فمشاريعو لكبيرة وخسرات المنطقة سنوات باش تحقق نمو فكاع المجالات. دابا بدا حملة قبل الوقت وكيسوق راسو.

من لحوايج اللي كيروجها هو بطريقة او باخرى انو صاحب وزير الداخلية عبد الوافي لفتيت. موحالش لفتيت فراسو باللي صاحبو.

يمكن كيعرفو كمقاول باش شركتو وشركة رئيس جهة بني ملال مجاهد شدو شي مشاريع فالرباط ايام كان لفتيت والي الجهة.

المهم طالقها هو وناسو بين شي وحدين باش يبين باللي مرشح الدولة. باغي يعاود التجربة الزروالية لهاد الحزب ايام الياس العماري فانتخابات 2016 التشريعية.

الملياردير كيهمو غير مشاريعو. لقى مظلة اسمها التراكتور باغي يتغطى بيها باش يزيد فملايرو

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد