اسماء غربي – كود//

الناس الحد مع الطناش ديال الليل كانو ناعسين مبيهم معليهم، حتى كيوصلهم ميساج فالواتساب، ملي كيحلو كيلقاو فيديو ديال عصام وشمة مع مول الماركة العالمية كريستيان لوبوتان.

ناري على المرض وعلى الفقصة. واش أسي عصام وجهك هذاك ولا كّفاك. شانق على راجل باش يقول “هاي جمهوري” في الطابي غوج فمراكش… آش هاد التلصاق وآش هاد الهم الكحل.

لي نفترض مثلا تصورتي مع السيد، حطها في انستگرام، في فايسبوك، في سناب شات، ماشي تسيفطها لبنادم في واتساب، راك درتي الضحك فراسك بهاد التلصاق ديالك.

نشوفو حتى نعياو ونقولو لك حول سيمو بنبشير فيك.