وكالات //

كوپل في جامايكا نوضو حالة في الأنترنت بعدما صيفطو للناس اللي عرضو عليهم للعرس دياهم وماجاوش، (صيفطو) خطية باش يخلصوها.

الفاكتورة فيها 240 دولار ومكتوب فيها “هاد الغرامة ليك نت، حيت عرضنا عليك وماجاتيش، وخلينا لك كرسي وفي الأخير ضاع وبقا غير خاوي، وخلصنا من جيبنا. دابا خاصك تخلص الثمن ديالو. كان ممكن نعفيوك من الغرامة كون علمتينا قبل، لكن ملي ماجيتيش، خاصك تخلص”.

العريس وضح أن القضية ماشي مسألة فلوس ولكن لأن بزاف الناس كبر بيهم وعرض عليهم وهوما ماعبروهش وماحاولوش حتى يقولو ليه راه ماجايينش ويعتاذرو.