عفراء علوي محمدي- كود//

سجل المغرب اليوم 826 إصابة جديدة بفيروس كورونا، وهكذا وصل الطوطال لـ34063، أي بمعدل إصابة تراكمي كيساوي 94 لكل 100 ألف نسمة.

وبالنسبة للتوزيع الجغرافي ديال الحالات اللي تسجلات اليوم، قال المسؤول على قسم الطوارئ فوزارة الصحة، معاذ المرابط، أن أغلب الحالات تسجلات فكازا سطات (295)، كتجي بعدها فاس مكناس ب114، ثم طنجة تطوان الحسيمة ب103، ومراكش آسفي 100، ودرعة تافيلالت 78، ثم بني ملال خنيفرة 75، والرباط سلا القنيطرة 40، والجهة الشرقية والداخلة واد الذهب 8 لكل منهما، ثم جهة سوس ماسة 4، وكَلميم وادنون 1، بينما جهة العيون ما سجلات حتى حالة جديدة.

وبخصوص المدن اللي عرفات أعلى معدل ديال الإصابة، كازا جات هي اللولة ب230 إصابة، ثم طنجة سجلات 70، ثم 58 فمراكش، و45 فرشيدية، و38 ففاس، و35 فبني ملال، ثم مكناس 33، وتازة 29. وكشف لمرابط ان معدل الإصابة فهذ 24 ساعة انخفض ل2,3 لكل مئة ألف نسمة.

وماتو اليوم 18 مغربي ومغربية، 4 فمراكش، وفاس وكازا 3 لكل منهما، وطنجة 2، وحالة فكل من تازة وتاونات وسلا والقنيطرة وورزازات وبني ملال، وهكذا وصل الطوطال لـ516.

لكن فالمقابل، حالات الشفاء من الفيروس عرفات حتى هي ارتفاع ملحوظ، بحيث تسجلات 1177 حالة، ووصل المجموع لـ 24524، بنسبة تعافي ديال 72 فالمئة.

والحالات النشيطة بلغ عددها اليوم 9023 حالة، أي بمعدل 25 واحد لكل 100 ألف نسمة، أغلبها كاينين فكازا سطات (2615) واقلها فكَلميم وادنون 11، وهكذا كتجي كازا مع جهات طنجة تطوان الحسيمة وفاس مكناس ومراكش آسفي فقائمة الجهات اللي عندها أكبر عدد ديال الحالات النشيطة، وكَلميم وادنون مع سوس ماسة والداخلة واد الذهب والعيون الساقية الحمرة اللي عندهم اقل من 100.

و127 من الحالات اللي مازال كتعالج فحالة خطيرة، منهم 48 تحت التنفس الاصطناعي، وكيتواجدو 38 منهم فكازا سطات (29 تحت التنفس الاصطناعي)، و33 فمراكش آسفي (2 تحت التنفس الاصطناعي)، و28 فطنجة تطوان الحسيمة (منهم 3 تحت التنفس الاصطناعي)، والرباط سلا القنيطرة 14 (7 تحت التنفس الاصطناعي) وففاس ومكناس 12 (منهم 7 تحت التنفس الاصطناعي)، وحالة واحدة فكل من سوس ماسة والجهة الشرقية.

واليوم تستبعدات 21301 حالة إصابة بالفيروس، ووصل مجموع لـ1438023 خرجات تحاليلهم سلبية.

وهذا التوزيع الجغرافي للحالات بالنسبة المئوية: