أسماء غربي-كود//
الضجة لي ناضت على شي مغربيات كيقدمو راسهم كمؤثرات وداوهم مثلو المغرب في قناة “mbc” في برنماج “arabs got talent” مازال غادة وكتزيد تكبر.
عبير براني، وحدة من المغربيات لي مشاو، سولوها الصحافة المغربية على ردها بعد الانتقادات الكبيرة، وحيت معندها حتى جواب مقنع جاوبات: “خاصهم يشجعو المغربيات وحنا كنا أكثر تمثيلية من البلدان الآخرين، وراحنا مشينا الmbc لي ماشي ساهلة”.
دابا قناة ديال السواعدة ولات ماشي ساهلة؟
التصريحات ديالها خلات المغاربة يطلعوها عليها ديال بصح في التعاليق: “مسكينة وصلات للقمر”، “واقيلة mbc هي المريخ وحنا مفخبارناش”، “بالعكس ولينا نحشمو نقولو مغاربة فينما مشيتو مشوهينا” ، “ياكما حررتي سبتة ومليلية”؟…
