“تيك توك لايت” منوض روينا.. المفوضية الأوروبية عطات للشركة 24 ساعة باش تعطيها توضيحات
وكالات //
دار “سوذبيز” (Sotheby’s) للمزادات غادي تعرض هيكل عظمي متحجر نادر ديال ديناصور من عائلة “التيرانوصوروس ركس” (The Tyrannosaurus rex)، اللي كان عايش قبل 76 مليون عام، للبيع مزاد علني فمدينة نيويورك هاد الشهر.
واعتبرات دار المزادات بللي الهيكل العظمي غيعاون باش يجيبو جمهور أكبر لمزاد “سوذبيز” الخاص بالتاريخ الطبيعي اللي غادي يكون نهار 28 يوليوز الجاي.
هاد النوع من الديناصورات كياكل اللحم وعاش فالمنطقة اللي كتعرف دابا بغرب ميريكان وكندا فالخر ديال العصر الطباشيري.
وقالت وكالة “الأسوشيتد برس” بللي العلو ديال هيكل الديناصور كيوصل لـ3 مترو والطول ديالو ل6.7 ميترو.
وتكتاشف هاد الهيكل العظمي ف2018 فواد “جوديث” (Judith River) اللي قريب من مدينة هافر فولاية مونتانا فغرب ميريكان.
وكتتوقع دار “سوذبيز” بيع الهيكل بثمن كيترواح بين 5 ملاين و8 ملاين دولار.