كود كازا ////

فتصريحات مول “علاش تيفي” محمد القاسمي اللي مورط فشبكة اتبزاز لرجال اعمال بيضاوا٬ هدر بالاضافة الى القضاة وعلى دورهم ووساطاتهم فعمليات الابتزاز.

ولكن كاين اسم غريب اللي عو عادل اوري. مول “علاش تيفي” اللي فالحبس، قال باللي هاد عادل اوري خبر المتهم الثاني المعتقل اللي هو حاتم حجي مول “لونكيط” باللي قاضي فكازا هو اللي كان وراء شن اليوتوبرز “تحفة” لحملة عليه.
تحفة كان دار فيديوات ضد حاتم حجي.

هاد اوري كان ظهر فقضية القاضيين امغار وجعفر حسون اللي بسبابها جراو عليهم من القضاء. هو كان تسجن فيها

كيفاش هادا فين ما كانت شي قضية فيها القضاء او الهدرة على القضاة كيبان؟ وعلاش الفرقة الوطنية ما استامعاتش لهاد الشخص؟

ظهورو كيطرح اسئلة كثيرة على دورو او ادوارو. ماشي غير مع هاد العصابة بل علاقاتو مع القضاة وكيفاش كيعرف عليهم اسرار ومنين جاتو هاد القوة