على المواطن الجزائري أن يستفيد من خريطة المغرب! إذا فشلت في حياتك. أو في الحب. أو في أي امتحان. أو أصبت بكسر. أو بالتواء في الكاحل. فقل السبب هو خريطة المغرب
كود كازا ///
مصطفى الباكوري رئيس جهة الدار البيضاء الكبرى ورئيس مجلس ادارة الوكالة المغربية للطاقة الشمسية بان فنشاط رسمي. بان بلحية طلقها هاد ليام اللي عاش فيلم هيتشكوكي من نهار تمنع يركب فطيارة كانت غادية للامارات.
خرجات اشاعات حاكماتو ودانتو فقضايا هو ما فراسوش. اليوم رسميا حضر لاجتماع باعتبارو رئيس جهة الدار البيضاء الكبرى. الاجتماع دارو شكيب بنموسى رئيس اللجنة الخاصة بالنموذج التنموي بالرباط وتلاقى مع وفد عن جمعية جهات المغرب. قدم فيه بنموسى “خلاصات تقرير كان دارو على النموذج التنموي الجديد.
البكوري حضر بهاد الصفة. طبعا حضور ماشي مجاني عندو رسائل. حقاش ماشي كاع رؤساء الجهة جاو. جا غير وفد منهم. ما جا لا بعيوي ديال الجهة الشرقية لا مجاهد ديال جهة تادلة بني ملال ازيلال
هاداك الفيلم ديالو بدا يتاضح.
اللي عارفاه “كود” انو بقى كيخدم فالجهة ومتبع مشاريعها حتى فبداية هاد الفيلم. كان ديما على اتصال. كان كيخدم عن بعد من دارو فالرباط.