19/04/2024 07:39
واش اسرائيل ردات على ايران؟. مسؤولوها اكدو هاد الشي لصحف امريكية واعلام الملالي هدر على تصدي الهجوم ولكن لا تأكيد رسمي
كود الرباط احمد الطيب ///
اسقط مجلس النواب قبل قليل في جلسة عمومية مقترح قانون تقاعد المستشارين او ما يسمى بوزيعة المستشارين. وحسب ما علمته “كود” فان هاد التصويت برفض مقترح القانون جاء بعد تصويت كل من نواب التجمع الوطني للاحرار والاتحاد الاشتراكي بالرفض فيما ظل حزب البام وحيدا. هاد اللي كان كيزايد على كلشي ودار تمثيلية وزايد باللي باغي يمشي للمحكمة الدستورية٬ نوابو كلهم صوتو لصالح القانون. عندهم جوج وجوه.
فيما امتنع حزب العدالة والتنمية عن التصويت.
وهكذا كان المصوتون برفضو 10 والمصوتون لصالحو 9 كلهم من التراكتور فيما امتنع 26 من البي جي دي. حتى هاد الامتناع ما مفهومش. هو رفض بطريقة اخرى ولكن كون كانو المصوتين عليه اكثر كان يتحسب الامتناع قبول.
هادا مقترح قانون توزيع 22 مليار سنتيم الخاصة بتصفية معاشات مجلس المستشارين وصل لطريق مسدود. رئاسة مجلس النواب غادية دير اجتماعات باش تعرف كيفاش غاديين يتعاملو مع هاد النتائج. ما عمرهم طاحو فشي موقف بحال هادي
