اسماء غربي – كود//
تداولو عدد من المشاهير صحاب الفنان المغربي سعد لمجرد على مواقع التواصل الاجتماعي خبر خروجو من السجن مؤقتا، ومتابعتو في حالة سراح اليوم الأربعاء.
وأكد مصدر لموقع “Mediapart” ان لمجرد خرج بقرار من قاضي الحريات والاحتجاز الفرنسي بعدما خلص كفالة حط فيها فلوس صحيحة، في حين مازال ماصدر حتى تأكيد رسمي.
وكان لمجرد تشد في 28 أكتوبر 2016، بعدما اتهماتو لورا بريول بالضرب والاغتصاب فبيت ديال اوطيل، ودوز 7 اشهر فالحبس ديال باريس، قبل مايخرج ويتعتاقل مرة ثانية بعدما اتهماتو بنت أخرى باغتصابها فسان تروبي.
