كود الرباط ////

تأكد رسميا ان وزيرة الخارجية والتعاون الاسباني لايا گونزاليث خرجات من حكومة بيدرو سانشيت. هاد الشي اللي گالتو جريدة “الباييس” هاد الصباح.

هاد التغيير جا فاطار تغيير حكومي شمل اسبانيا. مشات فيه كارمن كالبو النائبة الاولى لرئيس الحكومة وعدد من الوزراء ولم يشمل وزراء حليفو فالحكومة “بوديموس” =اليسار الراديكالي

هاد التغيير غادي يقدر يرجع العلاقات المغربية الاسبانية شوية. الوزيرة هي اللي كانت تسببات فازمة غير مسبوقة بين الرباط ومدريد بعد الاشراف على ادخال ابراهيم غالي زعيم البوليساريو ف18 ابريل اللي فات بجواز سفر ديبلوماسي وهوية مزورة وبلا ما خبرات الرباط.

كانت ازمات كثيرة فيها دخول اطفال وقاصرين وكبار لسبتة وما تلاها من تبعات

المغرب دابا خاصو يطير وزيرو ناصر بوريطة اللي كان اقرب فلغتو لوزير دفاع منو من وزير خارجية