عمـر المزيـن – كود//

طيارة تابعة للخطوط الملكية الجوية خلفت استياء فصفوف ركابها اللي كانوا مسافرين فرحلة جوية انطلاقا من مطار محمد الخامس إلى الولايات المتحدة الأمريكية، وتحديدا للعاصمة واشنطن.

الرحلة “218” تعطلات بزاف، وعدد من المسافرين اللي هضرات معاهوم “كود” قالو ان كولشي بقا عايش على الأعصاب ديالو، وباللي دارو روطار ديال اكثر من ساعتين على الوقت الأصلي بلا ميعرفو شنو واقع.

في مقابل ذلك، نفى مصدر من داخل لارام هاد الهضرة، مؤكدا في توضيحات لـ”كود” أن الطيارة وقع فيها مشكل تقني، وتم استبدالها بطيارة أخرى حفاظا على سلامة الركاب، مؤكدا انه تم إخبار المسافرين بهادشي.

وأضاف المصدر نفسه أن مسؤولو شركة الخطوط الملكية المغربية قدمو اعتذار للمسافرين، والرحلة مشات في ظروف عادية.