وكالات-كود//

مسؤولة بمجال حماية الطفل في إندونيسيا قالت تصريحات مكلخة بزاف وهاشي خلا المواطنين يرفعو مطالبات باستقالتها، بعدما قالت أن العيالات يقدرو يحملو في بيسين مختلط بسبب الحيوانات المنوية لي كيطلقوها الرجال في الما.

وقالت الطبيبة لي سميتها سيتي هيكماواتي أن الرجال يقدرو يطلقو حيواناتهم المنوية في المسابح وهادشي يتسبب في حمل البنات لي كيعومو في نفس البلاصة بلاما يكون إيلاج.

وقالت هيكماواتي: “كاين واحد النوع قوي ديال الحيوانات المنوية يقدر يتسبب في الحمل بلا إيلاج. وإلا كانت البنت في مرحلة نشاطها الجنسي، تقدر تحمل. حيت حتى واحد معارف كيفاش الرجال كيتصرفو ملي كيشوفو بنات عريانات في لابيسين”.