مصطفى الشاذلي – كود سبور//
عبد الرحيم طاليب، مدرب الجيش الملكي وعبد الواحد الشمامي، الناطق الرسمي للفريق ومحسن بوهلال، المدرب المساعد مشاو يعزيوا عائلة عبد الكريم ضحية شغب أحداث ماتش الوداد البيضاوي والجيش الملكي نهار الثلاثاء الماضي، ضمن سدس عشر نهائي كأس العرش.
هاد الزيارة ما اقتصراتش غير على هاد الثلاثة، بل مشا كذلك فريد سلمان وبعض اللعابة، لي نابوا على باقي زملائهم، بعدما خ
حضر العزاء عميد الفريق محمد الفقيه والحارس محمد باعيو.
عائلة المشجع العسكري، لي مات بعدما طاح من فوق سطافيط ودازت الرويضة على راسو، كتعيش الفقر والعوز المادي، هادشي علاش خلا بزاف ديال المحسنين بتكلفوا بالحنازة ديال الضحية.
مدربو ولاعبو الجيش عبروا عن تضامنهم مع عائلة الفقيد وتأثرهم من هادشي لي وقع، وربما يكونوا خصصوا شي غلاف مالي لهاد العائلة المكلومة.
واخا الجيش تاهل لثمن نهائي كأس العرش، بعد الفوز على الوداد البيضاوي، إلا أنه ما شعرش بنشوة الانتصار، بسبب الأحداث المؤلمة لي وقت قبل الماتش، مات فيها واحد وتلفو جوج وتضربوا خمس أخرين.
