ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات
كود الرباط//
علمت “كود” أن بنعرفة (سعد الدين العثماني) الأمين العام لحزب العدالة والتنمية، كيتلاقا بوحدو زعماء الاغلبية الحكومية، بلا مايدخل معه تا شي حد فالمشاورات.
بنعرفة عكس تشكيل حكومتو لي كان فيه مصطفى الرميد ولحسن الداودي كيمشيو معه ف المشاورات، هاد المرة فهاد التعديل الحكومي المرتقب كيمشي بوحدو.
مصدر حزبي قال ل_”كود” :”كيفاش هاد رئيس حكومة لا يشارك معه قادة حزبه ف المشاورات يكون قوي فهاد المفاوضات”، مضيفا “:” قيادة المفاوضات لوحده غايزيد يضعفو كثر ما هو ضعيف اصلا”.
بنعرفة، اختار يهدم داكشي لي بناه زعيمو واستاذو ف السياسة عبد الاله بنكيران، فاش كان رئيس الحكومة، هدم أسلوب التواصل، هدم تقدير الصحافة.
رئيس حكومة بارد ف كولشي، سياسيا واعلاميا، فرغ التعديل الحكومي من محتواه.
الخطاب الملكي رفع سقف فاش طلب بإحداث تغييرات جوهرية ف مناصب المسؤولية، لكن رئيس حكومة ضعيف على هادشي ماشي كفء ف التواصل لي هو أهم شيء فهاد الوقت.
بنعرفة ولى معزول داخل البي جي الدي، من غير المستفيدين معه فهاد المرحلة.