كود كازا ///

اكدت رسالة حصلت عليها “كود” من رئيس الجامعة الكونغولية لكرة القدم رسلها هاد اليوم لرئيس الجامعة الملكية لكرة القدم ان لاعب الراجا مالانگو ما لعبش فهاد 3 سنين الاخيرة غير 5 الماتشات مع المنتخب الكونغولي. 

هاد الشي ضربة لناديه الراجا. القانون كيقول خاص اللعاب اللي بغى يحتارف فالبطولة الاحترافية باش يكون مؤهل فيها٬ يلعب عشرة الماتشات. صاحبنا لاعب ف3 سنين غير 5 الماتشات.

المشكلة فين كاينة؟ ماشي غير عند مكتب الراجا بل الجامعة كذلك. خاص ما يبقاوش معولين غير على الورقة اللي كيجيب اللعاب. خاص يراسلو فكل حالة الجامعة المعنية.

دابا هادي باينة ماشي اول مرة وكدار بشكل كبير فالبطولة ولكن الراجا هي اللي طاحت فيها. خاص النيابة العامة دير تحقيق على هاد الشبكة اللي كيتخربق فهاد الشي

دابا الراجا بهاد الرسالة غادية تخسر ماتشها ضد الزمامرة