وكالات //

بحال بزاف ديال المشاهير فمختلف المجالات اللي كاعيين على قرار إلغاء الحق فالإجهاض فأمريكا، المغني والكَيتاريست والعضو المؤسس لكَروب “Green Day” الميريكانية ديال موسيقى ال”…,Punk rock, pop punk”، بيلي جو أرمسترونكَ مشا بعيد وفاجأ الجمهور ديالو أنه ناوي يتخلا على جنسيتو الميريكانية مللي كان داير حفل فالعاصمة البريطانية لندن مؤخرا.

وقالت مجلة “Rolling Stone” أن قرار المغني جا بعدما لغات المحكمة العليا فبلادو الحق فالإجهاض فعدد كبير من الولايات فميريكان.

المغني بيلي جو على حساب المجلة قال فالسبيكتاكل ديالو “تمشي تقود ميريكان، أنا كنتبرا من جنسيتي، وغادي نقود فحالي نجي نعيش هنا (فبريطانيا)”، (Fuck America, I’m fucking renouncing my citizenship. I’m fucking coming here)، وزاد أكد من بعد “راني ماكنضحكش”!

#GreenDay #RoeVWade #hellamegatour
billie joe’s statement on roe vs wade at london hella mega tour last night pic.twitter.com/6cJx4oa6I1

— friendly neighborhood clikkie (@armstr0ngtyler) June 25, 2022

ومعلوم بللي المحكمة العليا الميريكانية لغات مؤخرا قرار كانت صدراتو هي نفسها منذ عام 1973 ومعروف ب”Roe v. Wade”، اللي كيضمن الحق فالولوج الآمن لعمليات الإجهاض بكل حرية، وهو القرار اللي اعتابروه فداك الوقت تاريخي وسابقة مهمة بزاف فسبيل تحقيق المساواة بين العيالات و الرجال فميريكان.

وهنا فيديو ديال وحدة من أشهر أغاني كَروب “Green Day”: