هناء ابو علي -كود//
كيم كاردشيان مولفة كتنشر تصاورها ف انستگرام كما العادة وماكانتش متوقعة ان هاد الصورة اللي لاحت غادي تجبد الصداع و الاف التعليقات، و السبب ان نجمة تلفزيون الواقع بانت فيها لابسة بيكيني بلون الفضة و فوطة دايرة على وسطها و نظراتها كتشوف بعيد.
السيدة المشهورة مولاة 37عام قالت انها كانت باغية تمشي للبحر ولكن المشكل هو ان المتتبعين اللي ماكايزكلوش التفاصيل لاحظو ان يدها اليمنية كتبان رقيقة بزاف ف الجزء اللي بعد الكتف و اللي من وراه كايبان الشعر ديالها..المهم العضلة الخلفية ديال الذراع.
شي وحدين قالو بلي القضية ماشي عادية و غير متناسبة و فيها الفوطوشوب و لا يقدر شي ريجيم قاسي باش تطيح الوزن .