كريم الشركي-كود//

صحيفة “اوكي دياريو” الصبليونية، هضرات على المغرب فواحد التقرير وقالت ان ربعة من كل خمسة دلمغاربة كيعتابرو ان بلادهوم قادرة تتجاوز ازمة كورونا وتتعافى اقتصاديا، وان عندهوم ثقة كبيرة فبلادهوم.

وزادت الصحيفة انه في مزاخ عالمي من عدم اليقين  الثقة، كنلقاو ان ربعة من كل خمسة مغاربة تايقين بأن بلادهم قادرة تخرج من الازمة، وهذا واحد الحاجة ماتقدرش اي دولة تفتاخر بمواطنيها لي تايقين فيها.

المقال كيزيد يأكد ان هادشي ماجاش من فراغ، وإنما من خلال عدة اعتبارات، اولها الطريقة اللي واجهات بيها السلطات المغربية أزمة كورونا، وكيفاش قدرات بموارد اقل من دول كبرى، تجنب المغرب من خطر الفايروس وفنفس الوقت ماتقتلش الاقتصاد، وثانيها عندها مسؤول بحال الحموشي اللي قدر يقود مصالحة بين المغاربة والشرطة، وهو الامني لي رجع المغرب دولة كتساهم فمساعدة دول اوروبية.

المقال اللي هضرات فيه حتى سفيرة المغرب كريمة بنيعيش، على السياسة ديال الملك اللي رجعات المغرب بلد ازدهار وتنمية، هضر (اي المقال)، على الرافد السياحي لي طورو المغرب، وعلى الاقتصاد وعلى بزاف دالامور لي خلاو المغرب حسب المقال، بلد اوروبي فافريقيا.