الرئيسية > ميديا وثقافة > شوهة وزارة الصحة.. الوزير السابق الدكالي دار كونطرا مع فرقة مسرحية معروفة باش يديرو عمل على السبيطار.. ومنين جا آيت الطالب نكرهم وكلاهم فرزقهم.. مصدر من الفرقة لـ”كود”: هادو ممثلين محترفين وحشومة يتحكَرو وفهاد جايحة كورونا مابقى عندهم حتى مدخول
30/05/2020 18:00 ميديا وثقافة

شوهة وزارة الصحة.. الوزير السابق الدكالي دار كونطرا مع فرقة مسرحية معروفة باش يديرو عمل على السبيطار.. ومنين جا آيت الطالب نكرهم وكلاهم فرزقهم.. مصدر من الفرقة لـ”كود”: هادو ممثلين محترفين وحشومة يتحكَرو وفهاد جايحة كورونا مابقى عندهم حتى مدخول

شوهة وزارة الصحة.. الوزير السابق الدكالي دار كونطرا مع فرقة مسرحية معروفة باش يديرو عمل على السبيطار.. ومنين جا آيت الطالب نكرهم وكلاهم فرزقهم.. مصدر من الفرقة لـ”كود”: هادو ممثلين محترفين وحشومة يتحكَرو وفهاد جايحة كورونا مابقى عندهم حتى مدخول

عفراء علوي محمدي- كود//

اتهم مصدر من فرقة جمعية إيسيل للمسرح، وزير الصحة خالد آيت الطالب، بالتهرب من أداء مستحقات الفرقة المالية، بعدما قدمات 50 عرض لمسرحية “فالسبيطار” اللي تدارت بشراكة مع الوزارة فعهد الوزير السابق أنس الدكالي.

وأكد المصدر، فحديثو مع “كود”، بللي الفرقة خدات تسبيق ديال 20 فالمية باش قدرات تدير الديكوراسيون والمونتاج والموسيقى وأمور أخرى تقنية خاصة بالمسرحية، بينما مازال كتسال 80 فالمية من مستحقاتها اللي مازال ماخدات منها حتى درهم للآن: كيقول: “منين مشا أنس الدكالي وجا بلاصتو خالد آيت الطالب، نكرنا، وبدا يشطح فينا، فشهر 12 درنا لقاء مع مدير ديوانو والكاتب العام ديالو اللي قالين بللي غايدير معانا حل، لكن ماشفنا والو، ودابا علاين نكملو 6 أشهر ديال الانتظار”.

المصدر نفسو كشف أن أعضاء المسرحية هم مجموعة من الممثلين المعروفين، منهم سعد التسولي، وفاطمة خير، وفضيلة بنموسى، وبنعيسى الجيراري، ومحمد الأثير، وفريد الركَراكَي، وسعيد آيت باجا اللي هو رئيس الفرقة المسرحية، وقال بللي الوضعية المادية لهذ الممثلين صعيبة بزاف ومقصحين، خصوصا فهذ الفترة ديال الحجر الصحي فزمن فيروس كورونا المستجد، اللي الممثلين كَلسو فيه بلا خدمة، بحكم أنهم كاملين عايشين من المسرح.

المصدر حكى كيفاش تدارت هذ المسرحية، وكيفاش تم الإعداد ليها وشنو المضمون ديالها، بالقول: “العام اللي فات اتصل بنا أنس الدكالي، وزير الصحة السابق، على أساس نديرو مسرحية على السبيطار، وننتقدو فيها الرشوة والفساد الإداري اللي كاين فيه، وحتى بعض المشاكل اللي كيتسببو فيها بعض المواطنين خصوصا فأقسام المستعجلات، وواخا الوزير هو اللي عيط لينا باش نديرو المسرحية ضربنا الطرفين بجوج، وحاولنا نصلحو بيناتهم فنفس الوقت، وماعتارضناش على الإشكاليات اللي علناها، وشاف بللي بالعكس خاص يتم التطرق ليها وخاصها تتصلح”.

وكشف المصدر أن الاشتغال على المسرحية تطلب 4 شهور، والوزير كان كيكَلس مع الفرقة المسرحية هو والأطر ديالو فالوزارة باش يناقش المضمون ديالها، وكانو السيناريست وممثل آخر من فريق العمل كيديرو زيارات ميدانية للسبيطار باش يعاينو آش كيوقع فيه عن قرب ويجمعو المعلومات المعطيات اللي غتفيد المسرحية، حتى استطعو يخرجو بمسرحية جميلة جدا تقدمات عروضها فجميع أنحاء المغرب.

والمصدر كيطالب عن طريق “كود”، باسم جميع أعضاء فرقة جمعية إيسلي، باش وزارة الصحة تعطي للممثلين المستحقات ديالهم، بحكم أن العقدة اللي عند الجمعية مديورة مع الوزارة وماشي مع الوزير السابق، ومن غير المعقول ماياخدوش فلوسهم بمجرد ما أنس الدكالي مابقاش فالمنصب ديال الوزير.

موضوعات أخرى

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة