كود الرباط //////

عباس العزوزي مدير العام ل”ميدي 1 تي في” ما عمرو يطفرو فهاد القناة. كل نهار يبدل شي حاجة. السيد اللي جابو ولي نعمتو سيدو منير الماجيدي وحطو فديك لبلاصة واخا ما عندوش المؤهلات كيخربق فهاد القناة. النهار الاول دارها كازالطا ديال اذاعة “ميدي 1” ايام العز وقبل ما يسطرو عليها حتى هي صحاب الماجيدي، دارها كازالطا قناة اخبارية باتفاق مع الدولة. بدات متعثرة وجابو ليها اللي جرا عليه وزير السياحة فحكومة جطو عادل الدويري من المكتب الوطني للسياحة /العزوزي/ وهو يحولها بالاضافة الى واجهة لتبييض مهرجان “موازين” اللي كلشي عارف لاش دار وكيفاش كيخدم واللي العزوزي فيه مدير للتواصل، حولها قناة عامة. التجربة دامت سنوات واليوم كال ليك باغين يرجعوها اخبارية. طبعا غادي يفشل حقاش ما كيحترمش اللي خدامين معاه وكثير منهم قدم استقالتو

يا العزوزي يا للي معني بالماجيدي راه ما غاديش طفرو واجتماعاتك فكازا مع رجال الماجيدي ما غادية تحلش المشكل وهاديك القناة ما عمرها تقلع معاك