كود احمد الطيب الرباط ////
علمت “كود” ان عبد اللطيف وهبي من لقلال اللي اتصلو بمصطفى البكوري رئيس جهة الدار البيضاء الكبرى ورئيس الوكالة الوطنية للطاقة الشمسية«مازن»٬ بعد القرار الغريب بمنعو من السفر هادي 10 ايام من مطار محمد الخامس بكازا. وفق ما علمته “كود” فالاتصال كان للاطمئنان وصافي
ووفق ما علمته “كود” فلا الياس العماري ولا صحابو اتصلو كيسولو على اللي كان امين عام لحزبهم. هاد المسؤول السياسي والمشرف على اهم مشروع للطاقة الشمسية في المغرب لحد الان ما عليه والو.
وشوفتو على حزب كيف داير. احزاب اخرى عندها ناس متابعين بجريمة قتل وكتلقاهم كلهم مع صاحبهم بحال اللي وقع مع حامي الدين وحزبو البي جي دي.