نجوى المالحي- كود//

شكون لي يوقف هاد المهزلة لي ولات في انستكَرام، هاد الفضيحة عارفينها كاينة في العالم كامل، ولكن عندنا هادشي زايد نغزة شوية.

هاد الموقع لي جا نهار الأول من أجل نشر الجمال والصور، رجعوه هاد المؤثرات بين ليلة وضحاها بحال شي قيسارية فيها البيع والشرا وبطريقة مبتذلة.

انستكَرام تحول، خصوصا، في هاد رمضان، ولى بحال السوق، هدايا بالملايين، والفلوس كتفرق يمينا وشمالا، وهادشي كامل لشراء المتتبعين، ولي حفات ليها الجرية ترجع البروفيل ديالها جوطية وتبدا تطلب الناس يشاركو في المسابقات لي مافيهم فائدة.

رباب أزماني مثلا، مرات الفنان فريد غنام ولي كتقدم راسها كمؤثرة قلباتها بكا كاع في انستكَرام بعدما قالو ليها كطلبي في البروفيل ديالك الحاجة لي خلاتها تعصب وتفرگع على المتتبعين ديالها.

رباب قالت ليهم أنها ما رابحة والو من المسابقات في انستكَرام من غير 6000 درهم مقابل السهير والتنظيم والروينة.