عمـر المزيـن – كود – مكتب الرباط//

علمت “كود” أن وزارة الداخلية كلفت أحد أطرها بتدبير شؤون التواصل خلفا للعامل جواد العواد اللي وصل لسن التقاعد بعد تجربة مهمة راكمها في مديرية التواصل بالداخلية.

وحسب مصادر “كود”، فإن الأمر يتعلق بعبد الله العلوي اللي كان في ديوان وزير الداخلية، عبد الوافي لفتيت. لكن دبا العلوي مكلف بهاد المهمة وماشي بشكل رسمي، وفق ما كشف عنه مصدر “كود”.

وقال المصدر أن العلوي خريج الجامعة المغربية (جامعة محمد الخامس بالرباط) وقرا ف المدرسة العمومية. وهو موظف ف الداخلية. خدم من بعد ف”مينا ميديا” اللي كان دارها ناشر ايلاف الصحافي عثمان العمير قبل ما تولي ديال فؤاد عالي الهمة. خدم مع كل من كريم بوزيدة المكلف بمهمة فالديوان الملكي حاليا وكان معاهم عثمان فردوس اللي جابوه وعطاوه وزارة الثقافة والاتصال فهاد الحكومة ولبسوه لون حزب العود: الاتحاد الدستوري

تغيير مسؤول التواصل فهاد الوقت ماشي ساهل فوزارة الداخلية اللي عندها اطر مزيانة بزاف. هادي سنة انتخابية مع تدبير جايحة كورونا٬ الداخلية عندها خدمة كبيرة بزاف.

العلوي عندو فرقة مزيانة من لولاد ولبنات. الخدمة عندهم الدق والسكات