20/04/2024 03:00
60 طبيب جابوني غادي يدعيو “گوگل”.. تشكاو من التعليقات الخايبة وكيطالبو بتعويضات
كود الناظور ////
هاد السيمانا احال الوكيل العام لاستئنافية فاس ملف عبد النبي بعيوي رئيس الجهة الشرقية القيادي فحزب الاصالة والمعاصرة على الفرقة الجهوية للشرطة القضائية باش تبدا خدمتها.
حسب ما نشرات “كود” بعيوي مع 3 خراين ممثلين شركات معروفة غادي يتم الاستماع ليهم لشكاية دارتها الهيئات المتهمة بحماية المال العام بالمغرب
هاد الشي على ود خروقات وامور اكبر عندها علاقة بصفقات عمومية كلفات الدولة فلوس كثيرة.
ماشي اول مرة كيتجبد اسم هاد المقاول اللي كيدير السياسة باش يحمي مصالحو. بعيوي اسمو تجبد فملفات كثيرة وديما كيخرج منها.
كاينة جهات فالدولة كدافع عليه وكتحميه. هو كيقول باللي صحابو كبار بزاف وباللي ما غادي يوصلو والو. كلامو صحيح حقاش لحد الان ما وصلو غير الصهد.
ايلى جهات فالدولة بغات تربح العدالة والتنمية راه خاص بحال هاد بعيوي يتقدم للمحاكمة. القضاء يقول كلمتو. كاين ما يتقال عليه بزاف وعلى نسيبو وعلى صاحبو هاداك ابراهيم مجاهد رئيس جهة بني ملال ازيلال وعلى صفقات كازا والرباط عاد امور اخرى مرتبطة بالجهة الشرقية.
دابا هادا اللي غاديين يسمعو ليه هو اللي كيشرف مع الحموتي على اختيار مرشحي البام. اييه هو هو. وشفتو فين وصلنا
