من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو
كود هناء ابو علي ///
علمت “كود” ان الجدارمية مكلفين بالتحقيق فصفقات وزارة الصحة بخصوص صفقة ليبيسطار ديال كورونا فيروس بالمغرب. هاد التحقيقات مكلف بهاد هاد الجهاز همات علاقة وزير الصحة خالد ايت الطالب وولد الدكتور الماعوني بهاد الصفقات.
مصدر “كود” اكد ان جهات عليا هي اللي خلات الدرك يتكلف بهاد الموضوع. وفق نفس المصدر ل”كود” فان النتائج الاولى بينات باللي ما كايناش شي علاقة بين الوزير وولد الماعوني بهاد الصفقات ديال ديبيسطاج.
التحقيق مازال خدام فمواضيع الصفقات اللي اثير بزاف مؤخرا
من الامور اللي تم اكتشافها هو كيفاش ولى صبيطار الشيخ خليفة فكازا كيدير ليتيست ديال كوفيد. رسميا وزارة الصحة عطات غير ل3 مختبرات يديرو هاد التيست. علاش هادا بدا يدير هاد التحاليل من قبل.
اللي ما تفهمتش كيفاش كانت هاد التحاليل كتطلع سلبية وباش كيمشيو يعودوه عند الدولة كيطلبي مولاها فيه كورونا ووقعات حالات حتى شي وحدين طلعات نتائجهم ايجابية باش داروها ف”خليفة” وباش مشاو داروها عند الدولة طلعات سلبية.