جمال بناصر – كود//

حتى الجوامع ما فلتاتش من جرائم السرقة و النهب و الكريساج التي تبلات بها البلاد هاذ الايام. حيث تفاجا راود و مصلو مسجد “الرضوان” بتطوان بسرقة مبالغ مهمة من الصندوق المخصص لجمع التبرعات اللي كاين فالجامع.

صندوق التبرعات اللي كاين فالجامع  كان الهدف منو هو جمع هبات من المحسنين لأداء مصاريف الما و الضو وتدبير صيانة المسجد.

و فانتظار ما يسالي لونكيط ديال البوليس ويحصل مول الفعلة، يبدو من المعطيات الأولى اللي تسربات أن الشفار استغل غياب كاميرات للمراقبة و تسلل للجامع و بقى مخبي تا خرجو المصلين بعد صلاة العشاء و هو يضرب الصندوق بلا مايشوفو تاواحد.