كود سبور//
نايضة تهديدات بين جمهور فريق المغرب الرياضي الفاسي والصحافي الرياضي بـ”راديو مارس” عادل العماري اللي كان متهم باحتقار المرأة المغربية والهاكا ضربات البرنامج الرياضي اللي كيقدم بعقوبة كما كان متوقعا.
البارح الأحد كانت الماص لاعبة مع أولمبيك الدشيرة. حكم المباراة كريم صبري قرر باش يوقف الماتش بسبب دخول عدد من الجماهير الفاسية للتيران وحملات المدرب سمير يعيش سبب تعادل الفريقين.
هاد المرة الصحفي العماري قال أن 80 واحد دارو حالة ف التيران والمخزن عارف الجماهير بالأسماء ديالهوم. ودعا المخزن باش يمشيو يشدو الجماهير ويدخلهوم للحبس ويهنيونا من صداعهوم، واتهم جمهور الماص بأنه وقف التداريب وديما كيدير الشغب بلا حسيب ولا رقيب.
رد الجمهور الفاسي كان قاصح. عدد من محبي الفريق الفاسي دخلو طول وعرض ف الإذاعي ف تدوينات ف الفايسبوك.
