الرئيسية > آراء > شعب مايعرفش تا يرفح ويحتافل فين بغيتوه يوصل من غير هاد الحالة لي فيها هو
23/09/2018 16:00 آراء

شعب مايعرفش تا يرفح ويحتافل فين بغيتوه يوصل من غير هاد الحالة لي فيها هو

شعب مايعرفش تا يرفح ويحتافل فين بغيتوه يوصل من غير هاد الحالة لي فيها هو

محمد سقراط – كود//

كاع الناس يعجبك غير تشوف وتفرج وحتى تعيش معام الإحتفالات ديالهم خصوصا العالم المتحضر، إلا المغاربة والعرب والمسلمين اعيادهم وإحتفالاتهم كوارث وكتسالي بالمآسي، مكيعرفوش يفرحو بلا مايهجروه أو يهجروه لشي واحد آخر، شوف غير العيد الكبير، سيمانة قبل العيد كتدوز انتحارات ومآسي إجتماعية ومضاربات بسبب عدم العجز على توفير أضحية العيد، نهار العيد كيبدى بالفرحة وكيسالي بأطنان ديال الزبل معرمة فالزناقي والبراهش كيشوطو الريوس والدنيا كلها زبل ودخاخن وذبان بحال شي باطوار كبير وسط المدينة، والحوانت السادين وكولشي مسافر والصف والمضاربة على الخبز فالمخبازات.

فرمضان شهر التوبة والغفران، كتكون الامور بحال شي حرب أهلية فالاحاء الشعبية والسويقات، وكل نهار طايحة روح ومع المغرب لمضاربات بحال إلى من اركان الصيام، ونهار العيد المخاطفة على الكرابة والروبلة نايضة، أما واحد عيشور راه كل عام كنشوفو شحال من واحد مشات ليه عين بالقنبول ديال عيشور، وكل عام كنشوفو أجواء الشعالات فالأحياء وإحراق البنوات والدخاخن والعوافي بحال غلى شي حرب، وبنهار المضاربات بالبيض ولما والبول، وتقول واش كاين شي مناسبة لي كيحتافلو بيها المغاربة خالية من بحال هاد السلوكات الهمجية راه كارثة هادشي، بنادم كره الأعياد ولي يجي من وراها غير على ود بحال هاد التهيميج.

ومن بعد مكيدوز هادشي كيبقى فتمارة هادوك عاملي النظافة مساكن لي فكل عيد أو مناسبة، كتضوبل عندهم الخدمة وكتزادهم تمارة من خوتهم المغاربة حيت كانو فرحانين وناشطين ومعوشرين، واش هادوك الدراوش ماشي مغاربة لي ميفكرش ليهم الواحد ومايديرش ديك الحالة، واش هادي ماشي بلادنا لي كولشي كيندب وباغي يشوفها زينة، وفالنفس الوقت الأغلبية مساهمين بشكل مباشر باش يردوها زبالة كبيرة وبشكل ممنهج وبدرائع كثيرة، راه مستحيل نمشيو فين وحنا باقين كنحتافلو ونفرحو بطرق همجية وحنا أعيادنا وأفراحنا كتدوز ككوارث وكيموتو فيها الناس ويتعورو وتوسخ الدنيا وترجع لبلاد كي شي زبالة كبيرة، شعب مايعرفش تا يرفح ويحتافل فين بغيتوه يوصل من غير هاد الحالة لي فيها هو.

موضوعات أخرى

29/03/2024 14:10

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:45

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 13:30

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 12:45

وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:30

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو

29/03/2024 11:30

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات