اسماء غربي – كود//

نايضة روينة على الشطاحة سما المصري لي نصحات الرجال باش يخونو عيالاتهم باش يعرفو بقيمتهم الحقيقية.

سما كتبات في انستكَرام ‘نصيحة اليوم للرجال.. عشان تعرف إن مراتك ست الكل لازم تعرف الكل.. يعني لازم تتعرف على واحدة واتنين وتلاتة على مراتك عشان قيمة مراتك فعلا أنها ست الكل”.

هادشي نوض زازا وكين، وناضو دواعش سيسي كيطلبو من المسؤولين معاقبتها ومتابعتها قانونيا حيت هادشي كيشجع على الفجور والفسق.

ولكن الفيمينيست المصريات اللي خصهم بصح يهدرو حيت هادشي كيطيح من قيمة المرأة، وكيردها انسان بدون قيمة يمكن للراجل يخونو، مازال لحد الساعة ماقالو والو.