كود//

شركة الطوموبيلات الألمانية “Volkswagen” غادي تبدل السمية ابتداء من ماي الجاي، بالنسبة لكَاع الموديلا ديالها الكهربائية فميريكان، ودابا غتولي سميتها “Voltswagen”.أي سيارة الفولت..

وحسب بلاغ ل”Volkswagen of America”، نشراتو فموقعها بخطأ فالبرمجة قبل ما تسحبو، وهو البلاغ المؤرخ بتاريخ 29 أبريل 2021 عوض 29 مارس، لكن مصادر وضحات أن هذشي صحيح ومخطط ليه.

وحسب نفس البلاغ، كتقول فولكزفاكَن أمريكا: “غنبدلو K لT، ولكن اللي ماغيتبدلش هو انتاجنا لأحسن الطوموبيلات، حسب الكاتيكوري ديالهم”،

واكدات كذلك على استمرارها فاحترام اتفاق باريس حول المناخ، من خلال نقص 30 فالمية من انبعاثات غاز CO2 من هنا ل2025، وتلونصي 70 موديل كهربائي قبل 2029.