سابقة. 3 لعابة الاسود فنص نهاية الشامبيانز ليگ وواحد كيلعب الفينال فلندن
عمر المزين – كود //
برز إسم فاطمة الزهراء المنصوري، وزيرة إعداد التراب الوطني والتعمير والإسكان وسياسة المدينة، بقوة خلال سنة 2021، خاصة خلال فترة التشاور الحكومي بين رئيس الحكومة المكلف أن ذلك والأمين العام لحزب الأصالة والمعاصرة.
المراكشية المنصوري حتى هي بين العيالات الكَادات اللي شقو طريقهم بنفسهم. تعتبر أول مرا تترأس جماعة مراكش وتزادت فعائلة تنحدر من منطقة الرحامنة، والأب ديالها هو عبد الرحمن المنصري اللي كان باشا فمراكش لمدة ديال 8 سنوات، وهو الشخصية اللي تأثرات بزاف بيها خصوصا مللي كانت صغيرة.
المنصوري عندها تكوينات مختلفة. حاصلة على دبلوم في قانون الأعمال من جامعة نيويورك فميريكان، وعام 1999 خدات دبلوم الدراسات المعمقة “DEA” فقانون عقود الأعمال من جامعة مونبليي بفرنسا، وعندها إجازة في القانون الخاص جامعة محمد الخامس كانت خداتها فـ1998.
المنصوري توجات بألقاب كثيرة وبرز إسمها فالتشكيلة الحكومية التالية وكيوصفوها بمهندسة حزب “التراكتور” التي تترأس مجلسه الوطني. وكانت تختارت كأقوى مرا قيادية شابة في القارة الإفريقية تأثيرا ونفوذا، كما جاء في مجلس “فوربيس” الأمريكية.
دخلات لوزارة من أكبر الوزارات اللي فيها المشاكل. لكن بغات تواجه أي حاجة فيها الشبهات. بدات تفتح ملفات حساسة وكبيرة بزاف وكعات على مدراء الوكالات الحضرية بسباب تأخير بعض المشاريع وأيضا بسباب اختلالات تدبيرية.
المنصوري نقدرو نقولو بللي هي من أقوى العيالات المغربيات اللي قادرات يواجهو الفساد ويقومو بالإصلاح من موقع المسؤولية.