وكالات //
ولات شجرة استوائية كاينة فالكاميرون سميتها “ليوناردو دي كابريو” على إسم الممثل العالمي اللي ولى نشيط فمجال الحفاظ على البيئة.
و علماء فجمعية الحدائق النباتية الملكية “كيو” (غرب لندن) هوما اللي سماوها بسمية الممثل.
وكان ليوناردو تعهد فـ2020 مع منظمة “RE WILD” باش يخدم ويدير جهدو لإلغاء الموافقة على استغلال الخشب ديال الشجر فغابة “إيبو” (Ebo) المعروفة بتنوعها الحيوي الكبير، واللي فيها 68 ألف هكتار.
Uvariopsis dicaprio, a tree in the ylang-ylang family named in honour of actor and environmentalist Leonardo DiCaprio @LeoDiCaprio after his support to revoke a logging concession for Ebo Forest in Cameroon pic.twitter.com/gv3vj4NFkD
— Kew Science (@KewScience) January 7, 2022
الحكومة الكاميرونية كانت تفاعلات مع مقترح الممثل ووافقات على إلغاء قرار قطع الأشجار من الغابة لأغراض صناعية وهادشي اللي عجب المدافعين على البيئة.
واكتُشفت هذه الشجرة، اللي تسمات رسميا بـ”يوفاريوبسيس ديكابريو” (Uvariopsis dicaprio)، وكيوصل ارتفاعها 4 مترو وجذرها مزوق بورد كبير فيه الصفر والخضر، في غابة “إيبو” الواقعة شمال “دوالا”، عاصمة الكاميرون الاقتصادية.
