خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير
هشام اعناجي ــ كود الرباط //
فرضات تدابير الحجر الصحي وجهود الامن على المهربين تغيير معابر الحشيش الى أوروبا من الشمال الى الشواطئ الأطلسية حسب ما قالت رويترز نقلا عن الناطق الرسمي باسم الأمن الوطني بوبكر سبيك.
وتمكن المغرب من حجز اكثر من 32 طن في الحجر الصحي اخرها 6,3 طن في معبر الكركرات فيما تجاوز حجم المحجوزات من الحشيش 62 طن ملي بدا هاد العام، مقارنة ب210 طن لعام الماض، حسب مصادر أمنية لوكالة رويترز
وحسب سبيك، الناطق الرسمي باسم المديرية العامة للأمن الوطني، نقلا عن رويترز، كاتبين مجموعة من العمليات الامنية ان المهربين كايستاغلو شوافر ديال الكاميوات لي عندهم رخص التنقل بين المدن لشحن الحشيش الى سواحل اطلسية مثل شاطئ سيدي عابد ومن بعد كايستاغلو باطوات ديال الصيد في المياه الدولية باش توصل السلعة الممنوعة الى أوروبا.
وبعد ايقاف الرحلات الجوية توقف تهريب الكوكايين من امريكا نحو اوروبا عبر المغرب بشكل تام.
وقالت رويترز ان واحد التقرير خرجاتو الهيئة الاممية المعنية بالمخدرات كايقولو فيه ان ارتفاع المحجوزات في شمال افريقيا والشرق الاوسط كايبين ان شبكات التهريب خدامة حيتاش الطلب على الحشيش تزاد في اوروبا وتزاد معاه الثمن ديال هاد المادة لي كاتباع قانونيا في بعض دول الاتحاد الاوروبي.
وهذا هو المشكل بالنسبة للمغرب لي كايشوف في تقنين الكماية ديال لحشيش تشجيع غير مباشر على زراعة وتهريب الحشيش.
وكاتبين ارقام ديال وزارة الداخلية كتقول بأن المساحة لي مزروعة بالحشيش بقات في مستوى 47 الف هكتار في السنوات القليلة لي دازت.
المهم خاص شي حل لهاد الزراعة ديال لحشيش لي كايستافدو منها غير البارونات في الوقت لي كايعيشو فيه الالاف من الفلاحة ديال هاد النبتة في الفقر والهشاشة.