كود//

اليوم، السيرة الذاتية دالممثلة الأمريكية شارون ستون تحطات فالمكتبات، وهي بعنوان “جمال العيش جوج مرات”، وفيها أسرار كثيرة على نجمة هوليود، ومنها اللي كشفات عليهم اول مرة، بحال واقعة تعرضها للاغتصاب مع ختها “كيلي” من طرف جدهم.

قالت شارون أنها تعرضات للاغتصاب على عمر 14 لعام، هي وختها اللي كان فعمرها 11 لعام، من طرف جدهم لمهم، كلارنس لوسون، بتواطؤ مع جدتهم اللي حبساتهم معاه فغرفة.

وتكلمات شارون على شعورها بالارتياح فاش مات جدها، بحيث قاست النعش ديالو باش تتأكد من موتو، وشافت فكيلي وحسو بالراحة، وفهمو ان هذ الكابوس سالا.

تكلمات شارون كذلك على عام 2001، فاش اضطرت تمشي عند إستيتيسيان يحيد ليها شي ورم عندها كبير فالصدر، لكن فاش فاقت لقاتو نفخ ليها صدرها بلا ماقالتهاليه وبدون موافقتها، بحجة هذشي غيبينها مثيرة وزوينة كثر، وكانت فداك الوقت خرجات تعبر على الغضب ديالها فوسائل الإعلام.

ومن غير هذشي تكلمات شارون على احداث كثيرة، بحال تعرضها لضغوطات لتصوير مشاهد جنسية، وغيرها.