الرئيسية > آراء > سي الخراز إسترجع الله ديال المغاربة من عند لخوانجية لي حتاكروه وبقاو يهدرو بسميتو ويحرمو ويحللو. الله لي كيقلب معاه على المجرمين ويعاونو فالتحقيق هذا هو الله ديال المغاربة لي كيعاونهم على الزمان ويسر أمورهم ويسهل عليهم حياتهم ويحميهم
27/11/2020 17:00 آراء

سي الخراز إسترجع الله ديال المغاربة من عند لخوانجية لي حتاكروه وبقاو يهدرو بسميتو ويحرمو ويحللو. الله لي كيقلب معاه على المجرمين ويعاونو فالتحقيق هذا هو الله ديال المغاربة لي كيعاونهم على الزمان ويسر أمورهم ويسهل عليهم حياتهم ويحميهم

سي الخراز إسترجع الله ديال المغاربة من عند لخوانجية لي حتاكروه وبقاو يهدرو بسميتو ويحرمو ويحللو. الله لي كيقلب معاه على المجرمين ويعاونو فالتحقيق هذا هو الله ديال المغاربة لي كيعاونهم على الزمان ويسر أمورهم ويسهل عليهم حياتهم ويحميهم

محمد سقراط-كود//

الدارجة هي لغة التواصل عند المغاربة لي كيبغيو ويعشقو وملي كيهدر معاهم الواحد بيها دغية كيدير بلاصتو معاهم، داكشي ديال لعلى وما إنفك ومافتئ معندهمش معاه ومكيفهوش ليه وبالنسبة ليهم ماشي لغة تواصل نهائيا، بنكيران كان كيدوي بالدارجة لذا صوتو كان قريب لأي مواطن قاري ولا ماقاريش، الجواهري مدير بنك المغرب كيهدر بالدارجة وكيشرح مسائل معقدة ووضعية البلاد غير بالدارجة البسيطة بلا تحذلق بلا فذلكة لغوية، الظابط الخراز من غير موهبة الحكي والسرد والإسترسال في الهدرة لي عندو، إلا أن الدارجة العتيقة ديالو كانت مهمة بزاف فأن البرنامج يكون عندو داك الشعبية كلها، لأن اللغة ديالو قريبة للناس وكيفهموها وكيحسو بيها، والوصف والتفاصيل بالدارجة مايمكنش تعوضهم شي لغة أخرى عند أغلب المغاربة.

حتى دعاة التشدد والتطرف وصحاب الدعوة أشهرهم راه كيهدر بالدارجة ماشي بديك العربية لي مصدعين لينا بيها راسنا ولي مكيهدر بيها تاواحد من لعرب أصلا، في المغرب مايمكنش تنشر شي فكر أو قناعة أو تكون عندك مصداقية أو يوليو عندك أتباع بلا دارجة، الدارجة هي مفتاح التواصل مع أغلب المغاربة، وهادي هي لغة الخراز لي قدر يدخل بيها لأي دار، تخايل الخراز كيهدر بالعربية الفصحى ودوك المصطلحات التقنية التقريرية والقانونية، راه تكون الجملة كتضحك بالدارجة تقراها بالعربية تولي تطيح الضيم، وبالدارجة يمكن المغاربة يرجعو للإسلام ديالهم الأصلي لي تبعوه بقرون، وينفضو عليهم هاد الدين الجديد ديال الشرق ومشاكلو وإنقساماتو وطوائفو وإرهابو.

أحسن حاجة دار الخراز هو أنه إسترجع الله ديال المغاربة من عند لخوانجية لي حتاكروه سنوات وبقاو يهدرو بسميتو ويحرمو ويحللو حتى ولاو يتخايلو راسهم هم الفرقة الناجية والناطقين الرسميين بإسلام الله والرسول والإسلام، ولكن سي الخراج عاود جبد دوك المعتقدات المغربية الأصيلة بكل تناقضاتها، والله ديال سي الخراز لي كيقلب معاه على المجرمين ويحل القضايا ويعاونهم فالتحقيق ويعطيهم إشارات أو يتسبب في وقائع لي تقدر تفضح المجرم هذا هو الله ديال المغاربة لي كيعاونهم على الزمان ويسر أمورهم ويسهل عليهم حياتهم ويحميهم، أما هاداك ديال لخوانجية راه السعودية والخليج وسالاو معاه وباغين يولي عندهم التدين الشمال الإفريقي تدين التسامح والتعاون والإنسانية.

موضوعات أخرى

28/03/2024 19:50

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي