خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير
نجوى المالحي-كود//
بعض المرات خرق اجراءات التدابير المتعلقة بكورونا كتجي من أشخاص هوما في الأصل مفروض يكونو دوة، ويكونو ملتازمين كثر من أي شخص آخر، لكن للأسف في بعض الاحيان كتلقى العكس.
هاد السيمانة اوطيل سوفيتيل في الرباط دار حفلة، خر فيها لاجراءات ديال كورونا، وجمع مؤثرات في جردة، وطبعا كان التعناق والتصاور وعدم احترام التباعد الاجتماعي او لبس الكمامة، او اي تدبير اخر للخد من انتشار فيروس كورونا.
هادشي نشراتو الممثلة أحلام زعيمي وواحد السيدة لبنانية ساكنة في المغرب عندها شي بركة ديال المتتبعين وواحد الأستاذة ديال اليوكَا وزيد عليهم شي كوبلات معروفين في انستكَرام.
المثير في هادشي أن بزاف من هاد المؤثرين طلعو من كازا حتى للرباط مع أنه حاليا ممنوع الدخول أو الخروج من كازا حتى تكون عندك رخصة ديال السلطات المختصة ويكون عندك سبب استثنائي وضروري.
وهادشي لي وقع غادي يخلي المواطنين العاديين يتساؤلو واش كين شي تطبيق فعلي للاجراءات لي مفروضة حاليا في كازا ولا لا، وبآشمن صفة كيخرجو هاد الناس من كازا ويطلعو للرباط مع العلم انهم غاديين باش يتلااو في حفل ماغاديش يكون فيه احترام للتدابير الوقائية من كورونا.