الرئيسية > آش واقع > سوس. الصراع الانتخابي تزاد بين الأحرار والبي جي.. دي ومسؤول حزبي لـ”كود”: كاين أحزاب أخرى ضعيفة فالجهة
14/06/2021 19:30 آش واقع

سوس. الصراع الانتخابي تزاد بين الأحرار والبي جي.. دي ومسؤول حزبي لـ”كود”: كاين أحزاب أخرى ضعيفة فالجهة

سوس. الصراع الانتخابي تزاد بين الأحرار والبي جي.. دي ومسؤول حزبي لـ”كود”: كاين أحزاب أخرى ضعيفة فالجهة

كود الرباط//

قالت مصادر حزبية لـ”كود” إن التواجد الميداني لحزب التجمع الوطني للأحرار بجهة سوس، أقلق منتخبي وقادة البي جي دي، خصوصا بعد المهرجان اللي دارتو الحمامة ف أكادير مؤخرا وتعلن فيه عن وعود انتخابية كتهم التشغيل والتعليم والصحة.

تزنيت، عاصمة النقرة فجهة سوس، ولا فيها الصراع فقط بين جوج احزاب، البي جي دي والاحرار، في حين باقي الأحزاب مقدراتش على مواكبة الريتم ديال الاحرار.

مسؤول فحزب العدالة والتنمية بتزنيت قال لـ”كود” الاحرار خدمو بزاف ف الجايحة وناسهم عطاو مساعدات للأسر، وعندهم امكانيات مالية ضخمة باش يدوزو الحملة الانتخابية، مضيفا :”ولكن كيبقا البي جي دي هو الوحيد حاليا فالساحة اللي قادر يتنافس معه ويواجهو وطبعا حنا معولين فهاد المدينة نجيو اللولين”.

وكانت نتائج انتخابات 2016 متقاربة بين الحزبين بدائرة تيزنيت، حيث حصل البي جي دي على مقعد واحد بـ 14159 صوتا، يليه التجمع الوطني للأحرار الحاصل بدوره على مقعد واحد بـ14027 صوتا.

وفي دائرة اكادير، حصل البي جي دي على مقعدين، والبام والاحرار على مقعد واحد.

حاليا فسوس، البي جي دي عندو مشاكل تنظيمية، تيار بنكيران بعد بزاف على التنظيم، كما ان وزير الشغل الحالي سبق فشل فالحصول على مقعد برلماني في الانتخابات الجزئية سنة 2017.

ف اكادير وانزكان، المنافسة تزادت كثر بين الاستقلال والاحرار والبي جي دي، خصوصا بعدما التحق خالد الشناق الى الاستقلال قادما اليه من الحمامة.

وحسب مراقبين فإن جهة سوس ماسة، الجهة التي قال عنها الملك محمد السادس “يجب أن تكون مركزا اقتصاديا، يربط شمال المغرب بجنوبه، من طنجة شمالا ووجدة شرقا إلى الأقاليم الصحراوية”، ستتحول إلى معترك حقيقي بين 3 أمناء عامين ينحدرون من الجهة، ويتعلق الأمر بكل من عزيز أخنوش، رئيس حزب الأحرار، وسعد الدين العثماني، الأمين العام لـ”البي جي دي”، وعبد اللطيف وهبي، الأمين العام لـ”البام”.

سوس تعتبر من الجهات النشيطة انتخابيا، ستكون حاسمة في معركة 2021، إذ أن “هزيمة أي حزب من هذه الأحزاب في عقر دار أمنائها العامين سيؤثر لا محالة على مستقبل هؤلاء الزعماء”.

موضوعات أخرى

29/03/2024 12:25

خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه