نجوى المالحي-كود//
البارح الخميس كان الافتتاح الرسمي ديال ماركة “lefties” لي دخلاتها مجموعة أكسال ديال سلوى أخنوش وهو أول محل في المغرب وافريقيا.
وواخا سلوى أخنوش مكتبغيش الأضواء، في هاد المناسبة كانت واقفة على شغلها واستقبلات الضيوف لي حضروا على راسهم المغنية سلمى رشيد.
والملفت في هادشي كلو أن سلمى بانت لأول مرة ببطن منتفخ وعلنات على حملها بشكل رسمي، وصور لي تداولات، كتبان فيهم وهي مع مادام اخنوش، لابسة القفطان.
وحيت شي وحدين إلى مدواوش يقدر يسكت ليهم القلب انتاقدوها حيت القفطان مزير وكتبو تعاليق “خنقتي دري” و”نت حاملة دابا تستري شوية”، وتعاليق اخرى معندها معنى.