كريم الشركي – كود //

اعتقلت السلطات الأمنية بمليلية المحتلة، 5 دراري مغاربة، بعدما احتج ما يقارب الـ30 قاصرا أمام مركز إيواء القاصرين اللي ماخلاهومش يدخلو يباتو.

الاحتجاج كان بعدما جاو القاصرين قبل الـ10 دالليل بشوية وبغاو يدخلو، لكن إدارة المركز رفضات تدخلهم فديك الساعة، وبعدها مباشرة بداو كيحتجو، وجاو البوليس باش يفرقهوم واعتاقلو 5 منهم داوهم لمركز خاص باللاجئين وحطهوم فيه.

وكيعانيو المئات من القاصرين المغاربة فمليلية من تعسف البوليس الصبليوني اللي كيحكَر عليهم، أمام صمت المنظمات الحقوقية الإسبانية.