هناء ابو علي كود كازا ////

واش فراسكم يا لمغاربة اننا هي لبلاد رقم 16 فلائحة الدول اللي كتخسر لفلوس بزاف على جماعات الضغط “تينك تانك” فميريكان؟ اييه هاد الشي كيقولو تقرير رسمي امريكي خرج فيناير 2020.

المغرب يا سادة خسر كل عام 2.831،458 دولار فالعام 2019. المغرب هو رابع دولة فعربيان اللي كتخسر فلوس صحيحة بعد الامارات وقطر والسعودية وهو اللول فافريقيا وفايت فرانسا وبينو بين الاتحاد الاوربي قل من 120 الف اورو.

المغرب بسباب الصحرا كيخسر وفق هاد الوثائق الرسمية كثر من فرانسا وايطاليا وروسيا والصين والهند. هاد لفلوس كيمشيو لهاد التينك نانكات CSIS وMiddle East Institue و Center for the Nationsal Interest و German Marshall Fund وAtlantic Center

حنا كنعرفو غير ادوار گابرييل اللي كان سفير لميريكان فالمغرب واللي دار مكتب بحال هاد العجب ولى كيربح ملايين صحيحة على ظهر الصحرا

طبعا هاد لفلوس اللي مضبوطة بزاف بزاف فامريكا ما كتخضعش لشي مراقبة ديال البرلمان او الحكومة.