في تقريرها السنوي.. أمنستي: استهداف المعارضين والناشطين الصحراويين في المغرب تزاد
سعيد الشاوي – كود ///
نبيلة الرميلي دوزات اسبوع فالحكومة كوزيرة للصحة ولكن غير 3 ايام فالوزارة وفق مصدر مقرب منها ل”كود”.
المصدر قال انها جات للمكتب فالوزارة غير فترات قليلة. واضاف احد مساعديها اللي مشى معاها للعمودية ل”كود” “كان الموضوع الوحيد اللي شغلها فهاد ليام 3 هو الاقبال الضعيف على التلقيح” قلبات، يضيف مصدر “كود”، على استراتيجية لدفع اللي مازال ما تلقحش باش يتلقح ضد كورونا فيروس.
وحسب مصدر “كود” فان الرميلي دارت اجتماعات مع وزارة الداخلية ومع مسؤولي الوزارة لهاد الغرض .
بعدها يضيف مصدر “كود”، جا طلبها، كيف جا فبيان الديوان الملكي، باش تتفرغ لمنصبها كعمدة للدار البيضاء.
بخصوص قرارات اتخذتها فهاد 3 ايام، قال مصدر “كود” انها ما خدات حتى قرار. واضاف: راه ما يمكنش تاخد شي قرار بلا ما يخرج فالجريدة الرسمية قرار يسمح ليها بالتوقيع. كاين جهل بالقانون واستغباء للمغاربة باش بتنشر الفايك نيوز، يضيف مصدر “كود”.
وكانت الرميلي التحقت بمكتبها كعمدة للدار البيضاء مساء الخميس، اي بعد نشر بيان الديوان الملكي.